انا على خبرك تراني تصبّرت
في مركب الذكرى اهيم بشتاتي
اصارع امواجك حشا ما تغيّرت
وفي بعدكم ضاقت عليّ الجهاتي
معقول عني ياهوى البال سافرت
ماني مصدّق ماحصل ياغناتي
انا غريق الشوق ياللي تكبرت
تجرفني امواجك على ذكرياتي
احترت من دونك اي والله احترت
اقرأ مكاتيبٍ تطوّل ماتاتي
معقول يا حلمٍ حقيقي تبخرت
وبعدك يحطّم يالغلا امنياتي
في بحركم ياكم تعمقت وابحرت
غريق وأمواجك تهدد حياتي
سافرت عني بالوصل إيه قصرّت
وخليتني بالفقد اسهر ماباتي
لو خيروني يا غلاهم تخيّرت
انتي وحيده فارقه بالبناتي
التعليقات