ما عادلي حيل يا قلبي ولا قدره

خنجر حبيبك قتل صبري وصوّبني

يا قلب لا تنتحب وتقول يا حسره

غربلني الحب في حالي وعذّبني

ما نام طرفي ودايم عبرته عبره

يذرف دموعه وفي حبي يعزّيني

ربي يجازيك يامن حطني عِبره

تجرح شعوري ولاعمرك تقّدرني

سنين عشره ولافادت معك عشره

ماني حبيبك ولا خلك تحسّبني

مالان قلبك وطعنة خنجرك خطره

هذي حقيقه وهذي بك تحيّرني

ياكم تمنيت لعيونك ولو نظره

تجبربها خاطري يومك متعّبني

صحيح ماكل زهره تعتبر زهره

لا شهد فيها ولا منها تعطّرني

خلاص يامن وعوده كلها بكره

ماصار قلبي على حبك يصبّرني

يا قلب ماصارلي حيله ولا دبره

البخت عاثر معي والهم شيّبني

مزهر الشهري