يا فكري الصافي ابي منك الجديد

ابيات من صافي خيالي صغتهــا

وابغى البيـوت يكون وقعه كالحديد

حتـى العمــى يقــول والله شفتهــا

بنجـدد البيعـــه مـع العلــم الوكيــد

بالسمع والطاعـــه بيوتــي حفتهــا

لخــادم البيتيــن والصـرح المشيــد

ببــوي سلمــــان الحـــزم رتبتهـــا

تفداه روحي من الوريد الى الوريد

اللي مسيـرة مـن سبق واصلتهــــا

الـمُلك يبغى العادل الوافي الشديــد

وانـت الخصايــل كلهـــا جمعتهـــا

ياخــادم البيتين يـزهــاك القصيــد

ياللـي بظـــرف ايام حـرب اعددتها

ياراعــي الــراي المحنــك والسديــد

كـــل العرب تهتف بحربٍ خضتهــا

حنا لهـــا مـــن دون ماترسل بريــد

في نظرتك بعض الجيــوش ابدتهــا

ملك شجـاع يسوّي اللي هــو يريـد

امـا النصـــر والا الشهــاده قلتهــا

مـــن بنـدر العصري ولاءٍ مايــحيــد

لال السعود ابيات شعـــري جبتـهـا

بندر عصري القماصي