الشّعر تالي زمانه لا يعه لا يع

الموت رفرف على أعلامه وغيّبها

عساك في رحمة الله يا أحمد الشايع

تعتق من النّـار .. والجنّة تفوز بها

سداح

أعلني يا ديرتي الزلفي حداد

وألبسي ثوب الحزن لأحمد شهر

شاعرك يرجي عفو رب العباد

جعل بيته بين جنات .. ونهر

أحمد المدعج

وش عاد باقي بالسما من نجومه

يسري بها اللي ضايع الدرب حيران

بالأمس جار الله رحل عن رسومه

ثم أحمد الناصر رحل وابن سمحان

معيض الحارثي

مدري وش أخلي ومدري وش أقول

عميدنا المحبوب قفت ركابه

عساه بالجنه مع الحور مقبول

ويثبته ربي ساعة حسابه

أحمد السكران

الموت يا ساحة الشعار فالساحه

في كل يومٍ يشيل العود والقاصر

لو كل شاعر يرده عنه مسباحه

لن كان ما راح عنا بـ أحمد الناصر

عساه فالقبر يلقى كامل الراحه

وفي رحمة الله مطوّق دوم ومحاصر

مع كل غالي بعد حلّ! .. مرواحه

أقفى وقلبي لـ وجده عاصره عاصر

محسن الهتفاء

أسأل الله أن يتغمده بواسع رحمته، من وجهاء الشعر النبطي، وأحد أهم رموزه، رحمة الله عليه.

ياسر التويجري